ཨ་ཙི་ ལས་མ་དག

མ་ སེམས་ཅན་ ཐམས་ཅད་ སྡུག་ལ་ འབྱར་ བསྡད་ བཞག
སྡུག་ འདི་ནས་ ཐར་པའི་ ལམ་འདི་ སྒྲིབ་ བསྡད་ བཞག
ཕ་ དྲིན་ཅན་ ཕྱི་ལ་ ལྟོ་གོས་ འཚོལ་དུ་ སོང་།
ལོ་ མང་པོའི་ རྗེས་ལ་ ད་དུང་ ལོག་རྒྱུ་ མི་འདུག
ངའི་ ནང་མི་ ཚང་མ་ ཕྱོགས་བཞི་ མཚམས་བརྒྱད་ ལ་ ཐོར།
ཨ་ཙི་ ལས་མ་དག

གནམ་ སྔོན་པོ་ སྔོ་བསངས་ གཡུ་ཡི་ མདོག་ འདྲ་བ།
གཡུ་ ས་ལ་ ཟགས་དུས་ དུམ་བུ་ སྟོང་ལ་ གས།
མཚོ་ ཡ་འབྲོག་ གཡུ་མཚོ་ འཁྱག་རོམ་ ཐེབས་ ཚར་ བཞག
ངའི་ གུར་འདི་ ནང་ལ་ ལྕགས་ཀྱི་ ལྷགས་པ་ རྒྱག་གི
མེ་ གཏོང་དགོས་ བསམ་ཡང་ མེ་ཤིང་ རྗོགས་ ཚར་ འཞག
ཨ་ཆུ་ གྲང་བ་ལ།

ཐོ་ ཁ་བ་ མེད་དུས་ གཙང་པོའི་ རྒྱུན་འདི་ ཆད།
ཆུ་ ཆར་པ་ མེད་དུས་ ཞིང་ཁ་ ཐམས་ཅད་ སྐམས།
ས་ སེར་ཁ་ གས་དུས་ སྤང་རྩ་ ཐམས་ཅད་ སྟོངས།
བྱ་བྱེའུ་ རི་དགས་ གར་སོང་ ཆ་མེད་ གྱུར།
གཡག་ ར་ལུག་ སེམས་ཅན་ ལྟོགས་ཤི་ ཐེབས་ འགྲོ་གི
ཨ་ཁ་ འཕང་བ་ལ།

སེམས་ ལྷོད་ལྷོད་ བྱེད་དགོས་ བསམ་ད་ བསམ་གྱིན་ འདུག
ལུས་ ཁ་བཤགས་ འགྲོ་དུས་ མིག་ཆུ་ དབང་མེད་ ཤོར།
ལྷོ་ འཇམ་བུ་ གླིང་འདི་ འཁོར་བའི་ ཁབ་ ཡིན་ན།
ང་ སྡོད་སའི་ རི་འདི་ ཁབ་ཀྱི་ རྩེ་མོ་ ཡིན།
ང་ འབྲོག་པའི་ ལོ་རྒྱུས་ འདི་ནས་ མཚམས་ཆད་ འགྲོ་ན།
ཨ་ཙི་ ལས་མ་དག